一年一度香港天后宝诞

香港猫仔 · 发表于 2011-4-26 03:05:13

一年一度香港天后宝诞

香港天后诞一般庆祝程序由天后诞嘅前夕开始，嚮傍晚开始还神、还花炮；子时过后各村村代表会嚮天后庙上头注香、拜神，然后有一啲仪式好似『喊礼』、『读祝文』等。喺天后诞正日，各花炮会龙狮队同表演团体喺天后庙前面集合。喺庆祝表演完后，龙狮队会继续去天后庙参神。最后，举行隆重嘅抽炮仪式。

由于香港以前系渔村，而相传天后会保佑他们海上平安，所以天后系香港同南中国沿岸省份常见供奉嘅神灵。每年天后宝诞都有好多善男信女汇集到各个天后庙庆祝。香港至今最少有40座天后庙，当中最古老嘅就系建于公元1266年嘅天后庙有西贡嘅佛堂门大庙。每年嘅天后诞会有多至5万名信众参拜，有啲贺诞人士会喺帆船同驳船上挂满色彩缤纷嘅旗帜。元朗嘅大树下天后庙又系好出名嘅，每年元朗嘅渔民团体、体育会、宗亲会等会派出飘色、乐手同其他表演者参加会景巡游至天后庙。

嚮天后诞庆典众多嘅传统活动中，「抽花炮」可算系最有特色。香港掌故家萧国健博士表示，一般花炮共设三十座，当中「第三炮」除左象徵「丁财两旺」，还据说系最灵验嘅一个，故有「炮王」称号。另外，据讲以往曾有两名村代表同时抢到「第一炮」，后来为左平息风波，特设「第一一炮」作为抽用，而「第一炮」就为镇坛副炮。

天后诞时，村民除左舞龙舞狮、朝拜天后、出会、巡游外，还举行盛大嘅盆菜宴。盆菜系香港独特嘅传统菜式。传统盆菜以木盆盛载，材料就一层叠一层嘅排放。不过，为左能够食到热腾腾嘅盆菜，现今盛载嘅器皿都以铜盆同梓盆代替笨重嘅木盆。